رواية جبروت انثي وسطوة رجل الفصل الرابع والثلاثون 34 بقلم الاء الرحمن
34
نور بتجلهل مماثل لتجاهله ليها :عندي عشاء عمل لصفقة جديدة
ادهم رجع لمكانه ومسك الاب توب بتاعة ببرود :مفيش خروج دلوقت
نور بصتله بسخرية واستهزاء من كلامه وخدت شنطتها ولسه هتخرج لقته بيشد على دراعها بعنف ونظرات النار شاعلة جواهم
ادهم :اضن سمعتي انا قولت ايه مفيش خروج دلوقت
نور نزعت ايدها منه بغضب :ده شغل فاهم شغلي ونجاحي انا
ادهم ببرود :وانا قولت كلمة مفيش خروج دلوقت
نور :يعني ايه
ادهم :سهلة مفيش خروج ولو على العشاء اضن داني مندوب عن حضرتك في الحاجات دي
نور بغضب :ادهم ما تتجننش انا جبت اخري منك بقيت بتخنقني بجد
ad
ادهم شد شعرها بغضب :انا الي جبت اخري منكومن جبروتك ومن قوتك الفايضة دي
انا الي جبت اخري من الا مبالاة بتاعتك
انا الي جبت اخري من اني ابقى دايما المضحي والي بيحب وبيتنازلك دايما
وبصلها ببرود وكأنه عمره ما حبها ولا عشقها انا الي بقيت بقرف من ام العلاقة الي مفيهاش كرامة دي
وبتهديد من هنا وجي الي اقوله انا هو الي هيتفذ فاهمة
عاوزة تشتغلي اوك
لكن اول حاجة ترجعي قبلي البيت
وداني ده تغيريه تبدليه مش عايز اشوف وش امه معاكي
امي تحترميها غصب عنك فاهمة وتنزلي دلوقت وتتطمني عليها
نور بغضب :انت ليه دايما مش واثق بنفسك كده ايه الي مجننك من داني ولا بيحسسك دايما بنقص موجود عندك ولا ايه
ليه ما بتثقش انه انا الي اخترتك ولا يمكن في يوم ابص لغيرك هاه ما تسترجل شوية وتخلي عندك ثقة بنفسك اكتر من كده انت كده بتخنقني بتكرهني فيك ما تفهم فين الحب الي وهمتني فيه فين الاهتمام
طبعا كان ادهم في اشد حالات غضبه منها وعينيه بتطلع شرار وكأنه جهنم جواها
ادهم رفع ايده هيضربها
ونور غمضت عينيها وبعدت عنها
لكن ادهم شد على ايده بغضب جامد
نور كانت منتضره الألم بتاعه لكن عدا الوقت فتحت عينيها وهو بيبصلها بغضب جامد وبيتنفس بسرعة وكأنه كان بيجري بسرعة كبيرة :انتي طالق
نور فتحت عينيها بصدمة ولسانها اتشل عن الكلام وعم الصمت للحظات وفضلت نظرات العيون
ad
ادهم بنظرات عينيه والجحيم جواها ونور ونظراتها المصدومة التايهه
نور نزلت منها دمعها وهي بتبصله بألم :انا الي كتبت البداية لعلاقتنا يوم فرحنا وانت دلوقت كتبت النهاية
وسابته وخدت شنطتها ونزلت
وادهم مصدوم من الكلمة الي قالها ازاي قدرت تخرج منه لنور ازاي اتخلى عنها ببساطة كده
نور نزلت ودموعها على خدها قابلتها مروى في طريقها
مروى بغضب :بتعيطي ليه في ايه حد عملك حاجة
مروى بصراخ ردي عليا بتعيطي ليه
نور بصتلها بألم ووجع ودموع بتجري :كان عندك حق لما قولتيلي اتسرعتي في خطوة الجواز دي
كان عندك حق لما قولتيلي ما تثقيش بحد بيقولك بيحبك وما يقدرش يستغني عنك
كان عندك حق لما قولتيلي افضلي حبي نفسك وما تحبيش حد غير نفسك
كان عندك حق لما قولتيلي ادهم مش الزوج المناسب ليكي لانه كوبي من جده لا يا خالتوا لا ده اسوأ انسان شفته بحياتي
مروى حضنته بوجع :ما توجعيش قلبي يا نور عيني مالك في ايه
نور بعدتها عنها بغضب ودموع :انا مش نور عين حد انا نور وبس
مروى بصت ورى نور كان ادهم سمع كل كلمة قالتها وبيبص لنور بندم كبير
مروى بغضب :عملتلها ايه اتكلم يا ادهم نور مالها
نور بصت وراها كان ادهم ودموع عينيها مع عينيه تلاقوا
ad
نور رفعت راسها وحاولت تتماسك مسحت دموعها
سامي :في ايه صوتكم عالي كده
كل الي في البيت اتجمع على صوت مروى
نور بصتلهم كلهم بدموع :لما كنت مش عايز اقرب من ادهم كلكم بلا استثناء لمتوني وكان ادهم صعبان عليكم بسبب حبه ليا من وانا صغيرة وقولتولي اني حلم كبير كبر مع ادهم من صغره
وبصتلهم يا ريتني ما سمعت كلام حد فيكم يا ريتني اتجوزت الي عقلي يختاره
سامي بغضب :في ايه ما تفهمونا
ادهم مسح على وشه بغضب وندم والم
نور بدموع :انا بكرهكم ومش عايزة حد منكم في حياتي انا من اليوم الي دخلتوا فيه حياتي وانتوا بوضتوها انا عمري ما كنت كده ومسحت دموعها وبصتلها انا عمر دموعي ما نزلت لكن من لما عرفت حفيدك وهي بتنزل على طول
وبصت لادهم فين الهنا والحب الي وعدتني فيه هاه في الحب الي وهمتني فيه
خالتوا كان معاها حق انت كنت فاكرني ملكية ليك من واحنا صغيرين لكن لما امتلكتني بقيت عندك عادية زيها زي غيرها
مروى :يا بنتي حصل ايه قوليليةبس مالك وجعتي قلبي
سامي :نور انا جبت اخري منكوا في ايه وبغضب ما تتكلم يا ادهم
نور بصت لجدها :حفيدك طلقني لانه عندي معاد وعشاء عمل ومش عايزني اروح ولما رفضت اسمع كلامه هه طلقني تخيل
ادم وسامي وندى وسناء والاكثر سامي ومروى اتصدموا جامد
ad
مالك بص لادهم :مستحيل انت ما تعملش كده ده انت كنت بتتمناها ليل نهار انت تعمل كده
ادم قرب منه :ده بجد يا ادهم انت مستحيل تسيب نور
ادهم بغضب :بس بس بس مش عايز اسمع صوت حد وسابهم وخرج
سامي قرب من نور :هو اكيد ما يقصدش يا بنتي ده روحه فيكي ده انتي النفس بتاعه اكيد خرجت منه في وقت غضب اهدي يا نور ولمي الموضوع
مروى :روحي لبيتك يا نور وانا هخلي الخدم يلموا حاجتك ويبعتوها على الڤيلا
نور اومأتلها بدماغها وخرجت من القصر الي شهد على جراح وفرح وعشق اتحفر
ندى جريت عليها بدموع :نور عايزة اروح معاكي ارجوكي مش عايزة افضل هنا
ادم بغضب :تروحي فين انتي لاخرى اطلعي اوضتك انا سايبك بمزاجي لاني غلطت في حقك لكن تسيبي البيت على جثتي ده يحصل
ندى بغضب :انت ملكش حكم عليا ولا ليك فيا فاهم
ادم قرب منها بغضب :انا جوزك ودبلتي الي في ايدك بتشهد على كلامي وابني الي في بطنك بذرة حبي ليكي
ندى لجدها برجاء :ارجوك يا جدي
سامي قعد بتعب :في ايه ايه الي حصلكم في ايه ليه الكل بقى ماشي عكس الصح ليه وبص لمروى برجاء
مروى الي بيحصل ده كله بسببك خطيتك الي في رقبتي لعنة في حياتي ربنا بيجازيني بعيالي واحفادي محدش فيهم مرتاح سامحيني يا مروى صدقيني عمري ما حبيت غيرك ولا هحب غيرك
ad
مالك قرب من والده :بابا انت كويس فيك ايه
سامي بتعب ظاهر :مالك مروى عمرها ما سابتك انا انا الي جيت عليها كتير انا حبيتها يا مالك حبيتها قوي حبيتها اكتر من نفسي انا دمرت حياتها واغتصبتها وقتلت خطيبها وانت جيت نتيجة الاغتصاب ده ومع ذلك ما سابتكيش وما اتخلتش عنك وفضلت محتفظة فيك وانا لاني اناني انا سرقتك منها ووهمتها انك ميت وبرضه ما صدقتنيش وفضل عندها امل انك عايش على شان كده بعدتك من البلد خالص
مروى اتضلمت كتير بسببي وبدمعة نزلت منه لكن والله والله والله حبيتها وعمري ما حبيت حد غيرها حبي ليها كان لعنة حياتي الي عملته فيها بيتردلي اهو دلوقت
مروى كانت دموعها بتنزل
والكل بيعيط على الي قاله جدهم ومالك مصدوم من الي تقال وبااص لمروى الي بتبصله برجاء يسامحها
هنا سمعوا صوت ارتطام في الارض
والكل جري كان سامي واقع في الارض وبيتنفس بالعافية
كامل :مالك نادر اطلبوا الاسعاف بسرررعة
نور حضنت خالتها الي بتعيط جاامد وقربت من سامي بدموع :انا كمان بحبك يا سامي ومسمحاك
سامي مسك ايدها وغمض عينيه
مروى بدموع :مش هتموت مش هتموت يا سامي مش بعد ما علقتني فيك تسيبني وتروح
جت الاسعاف ونقلوه عالمشفى والكل بيجري عليه ولخدمته
ادم كلم ادهم وقله الي حصل وجه جري على المشفى
ad
ادهم بقلق :جدي كويس
ادم :لسه الدكتور جوه ما خرجش
ادهم بغضب من نفسه :انا السبب انا غبي
هنا خرج الدكتور
مروى بقلق :سامي كويس طمني ارجوك
الدكتور :للاسف انا مش عارف اقولكم ايه لكن سامي بيه صابته جلطة عالدماغ قدرنا نوقفها لكن حالته غير مستقرة خالص
ادهم مسكه بغضب من الروب بتاعه :لو حصله حاجة اقسملك بالله لاقفلكم المخروبة دي جدي مش هيحصله حاجة
الدكتور نزع ايده عنه بغضب :دي ارادة ربنا مش هنعترض عليها واحنا عملنا الي علينا وسابه ومشي وهو متجنن
نور كانت حاضنه ندى وبتحاول تهديها
كامل :ملوش لزوم قعدتكم هنا روحوا البيت وانا هفضل انا ونبيل هنا
مروى :محدش هيفضل جنبه غيري كلكم روحوا البيت وانا هفضل معاه هنا هو مش محتاج حد بعد ربنا غيري
مالك حط ايده على كتفها :وانا هفضل معاكي يا امي
مروى لفتله بصدمة ودموعها بتنزل :انت قولت
مالك :امي وحبيبتي الي هفضل اعتذر منها عمري كله على الي اتعمل فيها بسببي وعلى ضلمي ليها انا اسف
ad
مروى حضنته وغمضت عينيها بوجع وحب ولهفة وحنية
مالك حضنها جامد ولأول مره يحس بحب حقيقي من حد
ندى بهزار :يا خسارتك يا نور وندى راحت عليكم وحب خالتكم راح لابنها خلاص
مروى بصتلهم بدموع : مكانكم في قلبي محفور محدش بيقدر يخرجكم منه
نور :خالتوا انا هروح دلوقت واعدي على جدي بكره ان شاء الله
ضرب فونها :ايوه يا داني اهو نازلة استناني تحت
داني :عربيتك فين
نور :جيت بسرعة على شان جدو ولسه بالقصر هخلي حد من الشركة يجيبها بكره
داني :اوك انا تحت ما تتأخريش
نور :نازلة اهو سلام
نور قربت من خالتها باستها :لو احتجتي حاجة كلميني
نور باسة ندى ولسه هتمشي
ادهم مسك دراعها :الزفت ده بيعمل ايه تحت
نور نزعت ايدها منه وبصتله بعيون خالية تماما من المشاعر : وانت مالك
ادهم بغضب :اختصري الشيطان الي هيخرجلك لو ما بعدتيش الوسخ ده عن حياتك
ad
نور :ومين قالك اني ما بعدتش الوسخ عن حياتي وبصتله من فوق لتحت بقرف انا اهو بعدتك عن حياتك ورجعت نضيفة من تاني
وسابت دمه يغلي وعينيه بلوم الدم ومشيت
كامل :يالله كله عالبيت وجودكم ملوش داعي
فعلا الكل روح وفضل مالك ومروى
............................................
كلهم خرجوا من المشفى وهيركبوا عربياتهم
ادم كان بيبص على ندى :ما تركبي عايزة عزومة
ندى :انا هركب مع بابا
بصت لوالدها كان مشي
ندى :ادهم لو سمحت ممكن توصلني القصر
ادهم بص لادم الي بيبصلها ببرود : اعذريني يا ندى انا هروح مشوار كده قبل القصر
ندى حست انها تايهه ومش عايزة تركب مع ادم ابدا
ادم :ايه فاضل حد عايزة تركبي معاه ولا خلاص
ندى بصتله بغضب :مش عايزة اركب معاك انا حرة
اقولك انا هفضل هنا مع جدو ولسه هتطلع لخالتها
مسك دراعها وشدها عليه
انا صابر عليكي لاني غلطت في حقك ما تسوقيش فيها يا ندى
ad
ندى حاولت تبعد عنه ما قدرتش
ندى بخوف :سيبني
ادم بصدمة :بتترعشي ليه كده معقول بقيتي بتخافي مني اوي كده
ندى بدموع :ابعد عني ارجوك انا عمري ما عملتلك حاجة
ادم مسك وشها بايديه لاتنين :انا بحبك يا ندى واسف على اي حاجة أذيتك فيها
ندى بدموع :لو بتحبني بجد خليني الوقت ده عند ماما مش عايزة افضل بالقصر
ادم :ليه
ندى :عايزة ارتاح شوية عايزة اخد هدنة من كل حاجة
ادم :حاضر يا ندى حاضر لكن هما يومين وترجعي
ندى بتهرب :ان شاء الله
ادم بتأفف :اركبي اوصلك
...........................................................
عند نور
راحت بيتها وفهمت والدتها كل الي حصل
منال :الوسخة فريدة كل ده يحصل بسببها ومان انا ودلوقت بناتي
نور :لو هو راجل بجد لا فريدة ولا غيرها يقدروا يأثروا عليه لكن هو فعلا الحاجة طول ما هي بعيدة عننا بنشوفها غالية جدا علينا لكن لما تبقى بين ايدينا بتبقى حاجة عادية وتقليدية وده الي حصل مع ادهم كان شايفني حلم وحاجة كبيرة عليه لكن لما جيتله بأرادتي بقيت حاجة ثانوية عنده
ad
منال :الي يشوفه ما يقولش كده
نور :فكك مني دلوقت ازاي اختي او اخويا عاملين ايه
منال :هههه ولد هيجيلكم اخ ان شاء الله
نور :هههه مش عارفة هتجيبيه تعملي في ايه دلوقت
منال :اهو يسليني بدل الملل الي عايشاه دلوقت
نور :ربنا يقومك بالسلامة يا حبيبتي انتي وندى
منال :طب وانتي ايه مفيش حاجة كده او كده
نور حطت ايدها على بطنها : تصدقي خايفة اقولك لا ويكون فيه وبدموع لو حصل انا هعمل حاجة في روحي
.................................................
عند سيرين
كانت في البيت وحاسة بانه في حاجة كانت بتضرب لكل الي بالقصر محدش بيرد
اول ما دخل مازن جريت عليه
سيرين بقلق :مازن ارجوك انا حاسه انه في حاجة بتحصل في البيت بضربلهم محدش بيرد
مازن بصلها بصمت ودخل وراه نادر وهو مش على بعضه
سيرين بصت لنادر :نادر في ايه انت كويس مال وشك عامل كده ليه
مازن :ننوس عين امه مدمن هيروين جبته من نادي ليلي
يتبع
